សារពី ឧកញ៉ាសាស្ត្រាចារ្យ ឡុង ណាលី

សារពីឧកញ៉ាសាស្ត្រាចារ្យ
ឡុង ណាលី

កសាងសុភមង្គល ភាពរុងរឿង និងមោទនភាពជាតិខ្មែរ
សត្វលោកមានដំណើរជីវិតមិនទៀងទាត់ មានវាសនា និងសុភមង្គលផ្សេងៗគ្នា។ យើងទាំងអស់គ្នាតែងតែប្រាថ្នាចង់បានសេចក្តីសុខ សុខភាពល្អ កិត្តិយសថ្លៃថ្នូរ សំបូរសប្បាយ និងសេចក្តីគោរពស្រលាញ់រាប់អាន។ ទាំងនេះកើតចេញពីការធ្វើបុណ្យកុសល កតញ្ញុតាធម៌ចំពោះអ្នកមានគុណ និងបុព្វបុរស។

ព្រះធរណីបានបង្កប់នូវថាមពលធម្មជាតិ “ថាមពលចក្រវាល” ដ៏មានឥទ្ធិពលល្អអស្ចារ្យបំផុត ជួយដល់ជីវិតមនុស្ស សត្វ និងរុក្ខជាតិឱ្យមានការរីកចម្រើន លូតលាស់បានល្អ។ ប៉ុន្តែវាគឺជារឿងដ៏កម្របំផុតដែលអាចរកបានទីតាំងភូមិសាស្រ្តដ៏ពិសិដ្ឋបែបនេះ និងដឹងអំពីក្បួនក្នុងការស្រូបទាញយកថាមពលនោះមកប្រើប្រាស់ជាប្រយោជន៍បាន។

សួនឧទ្យានអនុស្សាវរីយ៍ យិន ផារ៉ាដាយ បានទទួលស្គាល់ពីសំណាក់សាស្រ្តាចារ្យ និងអ្នកអនុវត្តវិជ្ជាហុងស៊ុយល្បីៗជុំវិញពិភពលោក ថាជាទឹកដីហុងស៊ុយមានថាមពល ល្អឥតខ្ជោះជាងគេនៅក្នុងតំបន់ ដែលអាចផ្តល់នូវភាពរុងរឿងដល់ជីវិត។ សួនឧទ្យានអនុស្សាវរីយ៍ យិន ផារ៉ាដាយ  ត្រូវរៀបចំឡើងដោយផ្ទាល់ពីរូបនាងខ្ញុំ តាមក្បួនខ្នាតហុងស៊ុយបែបវិទ្យាសាស្រ្ត ក្រោមកិច្ចសហការជាមួយក្រុមបណ្ឌិត សាស្រ្តាចារ្យហុងស៊ុយជាតិ និងអន្តរជាតិល្បីៗ ដើម្បីបង្កើនសុខុមាលភាព កេរ្តិ៍ឈ្មោះ ទ្រព្យសម្បត្តិ សុភមង្គល និងភាពចម្រើនរុងរឿង តាមរយៈការធ្វើដួងកែវកំណើត ធ្វើម៉ុងដូនតា ឬតម្កល់ធាតុ នៅទីនោះ។  មិនតែប៉ុណ្ណោះ សួនឧទ្យានអនុស្សាវរីយ៍ យិន ផារ៉ាដាយ កសាងឡើងស្របតាមរចនាបទខ្មែរ ជាតំបន់ទីសក្ការៈបូជាដ៏ស័ក្តិសិទ្ធិ និងជារមណីយដ្ឋានទេសចរណ៍ធម្មជាតិស្រស់បំព្រង ហើយទីនោះក៏នឹងក្លាយជាកេរ្តិ៍ដំណែលថ្មីមួយ ជាមោទនភាពរបស់ជាតិខ្មែរទៅកាន់ពិភពលោក។

ឧកញ៉ាសាស្ត្រាចារ្យ ឡុង ណាលី